ስድስተኛው ችንካር

ሕማሙ …

ከአምስቱ ቅንዋት ሕመሙ የጸና አጥንት የሚሰብር

እጅግ የበረታ ጎንን ከሚወጋ ከሌንጊኖስም ጦር

ከመጻጻ ሐሞት አብዝቶ የሚመር ፤

በጣሙን የከፋ

ከአይሁድ ዘለፋ

ከጭፍሮች ገፈፋ፤

ከጴጥሮስ ክህደት ከቶማስ ጥርጥር ከሾህም አክሊል በላይ

ኃያል ነው ሕመሙ እስትንፋስ የሚስያስቀር ከልብም የሚለይ

ቸንካሪው …

የአምላኩን ውለታ ቤዛነቱን ረስቶ

ከርሱ ርቆ የሚኖር በደልን አብዝቶ፣

በደም የተገዙትን የሚያወጣ ገፍቶ

ከቃል የተጣላ በአርዮስ ክህደት ጸንቶ

ከአባቱ የሚያሳንሰው ከመንፈሱ ለይቶ::

ሌላ ማንም አይደል እርሱ ነው ይወቀው

 በስድስተኛው ችንካር ጌታውን ቸንካሪው::

ማስረሻዬ  ወርቁ

Source: www.bahiran.org